莊思明打聽「司」隱乜都知
港姐陳庭欣、莊思明昨晨出席慈善步行活動，早前患上急性沉痲疹的莊思明笑言患病並不影響體力，亦已看過醫生：「醫生開咗四日藥畀我，又有藥膏搽，應該好快好番。」她早前又再被拍到與陳司翰約會，雖然她一再強調二人仍是朋友階段，但問到她可有問候其姊陳慧琳（Kelly）？她就表示：「我有託佢（陳司翰）問候Kelly，聽講佢依家已經好好多啦！」在旁的陳庭欣聞言亦不禁揶揄她，並笑言：「咁你都知？」場面搞笑。
剛從越南拍完美食節目回來不久的陳庭欣，笑言皮膚已白了不少，同時又透露將會到馬來西亞進行下一輪拍攝工作。另外，現場有不少人帶同狗隻參與步行，對於不時網上流傳虐畜片段，養有十多隻狗的莊思明說：「我係嬲多過唔開心。」而陳庭欣希望多捐善款，可以幫到牠們。