老孫留台數月派定心丸
孫耀威（老孫）、鍾舒漫、農夫昨日一同出席社區活動，老孫表示稍後將到台灣數月錄歌：「同Macy（女友陳美詩）係少咗機會見，（怕唔怕感情轉淡？）唔怕，因為唔細喇，都唔會花心！」同場的鍾舒漫表示要關心身邊人，她說：「婆婆之前喺生死邊緣、好痛苦，依家又多天災，應該向愛嘅人表達心意。（向男仔表達？）同男仔朋友都會講愛你，（真感情嗰啲呢？）有feel嘅話都會講，死咪死囉！」
早前胸部斷骨的農夫成員陸永則表示已康復：「講嘢同笑都唔會痛，可以唱歌跳舞，（畀人影到同索女友出街，係咪追咗佢好耐？）佢追咗我好耐！」