林保怡寸TVB：加得幾多吖？

【陳永峯佛山直擊】 林保怡昨日出席佛山舉行的新劇《九江十二坊》記者會，身為無綫多年小生的他被問到是否續約時態度曖昧忸怩，問《九》劇是否他在無綫最後一套作品？他似是而非的謂：「我今年冇乜時間，呢套係今年唯一一套。（合約點？）嚟緊五月到期，新約仲傾緊。（係咪差價錢？）唔係啦，喺ＴＶＢ想有理想價錢係冇乜可能，同ＴＶＢ續約唔講價錢，坦白講加得幾多吖？心照，不過咁多年加加吓都ＯＫ。（為獎？）梗唔會，其實我係想傾大製作同有實力嘅劇本。（向外發展？）香港點都係基地。」對於月來傳出多位小生花旦不續約，保怡謂自己會慢慢跟公司傾，但亦坦承內地劇方面也有劇本正在傾談。