Jocelyn無懼污染照擦瀛食

有「翻版關之琳」之稱的模特兒Jocelyn，昨日與新一代「Canon女」Alice B.為時裝品牌行騷，雖然新上位的Alice大晒青春甜美，但已為人妻的Jocelyn卻以紅色Deep V真空大露背上陣，狂騷白滑玉背及波光乍現，成功搶鏡。

孖Cara G.出力

有傳Jocelyn擁有日本血統，但她指自己已是家族的第四代，故沒有家人在當地定居，不過同樣為日本災民感到傷心難過，更透露最近與好友Cara G.身體力行協助籌款，她說：「我同Cara G.為日本災民開咗個籌款基金，（搞籌款時裝騷？）仲未定，因為我哋只係開咗一次會，所以以咩形式籌款仲未有定案。」

已努力造人中

對於近日有報章指日本食物含輻射，但Jocelyn謂自己鍾情日本食物，更高呼「I Love Japanese Food！」直言：「其實睇過報道話唔係太嚴重，唔應該過分恐慌。」

由於天災接二連三發生，早前名模Lisa S.覺得快將世界末日，所以想盡快生B，問Jocelyn會否因此盡快造人？她笑言同老公已努力中，不過同樣會專注工作，亦唔認同世界末日之說，只感到人們應提高環保意識。

Jocelyn大騷白滑玉背，十分誘人。

同場的Alice B.密實中透着嬌美。

文：專案組