趙彤鍾情冰室開餐留名
曾與霍啟剛傳緋聞的台灣女主播趙彤（Yedda），不經不覺來港定居近六年，無屋企人照顧下，每餐食飯都要靠自己。Yedda住在港島區，對灣仔一間開業僅一年的冰室情有獨鍾，因既有懷舊彩色大菜糕，又有特色小吃黑松露炒蛋和咖央西多，她說：「台灣出名多美食，香港都唔差，可以將唔同地區菜式做到有自己風格，好似咖央西多，咖央應該係澳門特產，但佢哋諗到用嚟做西多，味道又夾得啱啱好。」
冰室內有兩塊大型簽名板，Yedda見到好多偶像簽名，自己都唔執輸拿起水筆簽大名，她笑說：「見到溫拿其中四虎都有簽名，自己嚟香港娛樂圈發展咗唔係好耐，遲啲有機會拍亞視劇，希望有好成績。」
別看Yedda身材纖瘦，原來好為食，早前獲邀到中港台三地尋找美食，認真有口福！她說：「之前幫大陸拍一個美食節目，其中一站去台灣搵好嘢食，我帶製作隊去一間日本餐廳食魚生，旁邊可以聽到溪水聲，好有情調，食物都會好味啲。」
文：專案組
攝：林楠
場地：華星冰室