陳秀珠撞傷胸口急送院
無綫藝人陳秀珠前晚拍完《我的如意狼君》廠景後，於離開時不慎跣倒受傷，心口撞向枱角以致胸口劇痛，需召救護車送院治理。經過一晚治療及照過X光後，陳秀珠心口胸骨並無大礙，已回家休息。
該劇本月底煞科，陳秀珠仍有戲份，監製李添勝表示會將其戲份延遲幾日拍攝：「雖然佢冇事，但佢講唔到嘢，醫生都寫咗紙叫佢休息幾日。原本諗住下周四（31日）煞科，依家會同公司講希望可以延遲兩三日，等佢返嚟補番戲份。」李添勝說有拜過神，之前有場戲要用花樽打胡諾言，後來驚會受傷已抽起，改用動畫拍，未料會有演員不在拍攝情況下發生意外！而同場的黃浩然、陳自瑤慶幸陳秀珠冇事，不過陳秀珠至截稿前仍未有作回應。