黎明網上賑災破例任下載

Leon昨日現身「香港華菁會」成立儀式，對日本大災難他極表關心，計劃將Amusic旗下歌曲放上音樂網站供歌迷下載，收益全數捐給日本災民，他說：「Amusic向來唔畀下載，今次係破例，包括MV同歌曲，包括有衞蘭嘅《愛在天地動搖時》、李治廷嘅《為你鍾情》等勵志歌曲，對日本一份支持。」

善舉至下月底

據知，Amusic由本月28日開始會向KK BOX音樂點擊平台，提供黎明、衞蘭、李治廷及JW約十首歌曲及MV供歌迷下載，收益不扣除開支，全數會捐到日本一慈善機構，直接幫助災民及重建工作，善舉進行至4月底。

Leon坦言未能出席下月1日維園舉行的燭光晚會，他說：「每個人都有唔同方法去賑災。」但他絕對支持，今次日本天災嚴重，目前災民最需要臨時居住地及乾淨食水，他說：「呢分鐘唔係錢可以幫到，災區嘅人唔係想聽你哋唱歌，係需要寧靜嘅心靈去避過輻射，不過都係心意。」而他旗下藝人若有時間也會出席。

樂基兒再傳出有喜，Leon斬釘截鐵說：「肯定唔係。」問到衞詩是否將復出？他指適當時候會公布。

阿詩共籌30萬

此外，曾志偉及何韻詩分別以電話接受電台訪問，談及4月1日的賑災晚會，阿詩本來有工作，但她決定盡量改期出席，日前她在家中上網自彈自唱籌款，共籌到30萬，盛傳有神秘人捐20萬，她說：「係籌到17萬，有心人就包底齊頭20萬，我自己捐10萬。」

文：音樂組