否認04年夜總會開工 DaDa未夠秤唔敢犯法

DaDa昨日率領師弟妹「翻版大S」李宥彤（Liz）、蔡瑩瑩（Ivy）及沙卓賢先後到中環及銅鑼灣為先施宣傳，四人在透視巡遊車上演繹時裝，吸引數十名巿民圍觀，眾人於銅鑼灣表演時，更有一名外籍人士企圖衝上車。

曾驗胸證真偽

提到有網友指C字頭英文名字的o靚模○四年曾在夜總會工作，剛巧DaDa姓氏是陳（Chan），故成為嫌疑人物之一。DaDa對此大斥荒謬：「啲人喺網上講嘢好不負責任，話事主○四年喺夜總會度做，我嗰時得十五歲，未夠年齡做係犯法，犯法嘅事我係唔會做！根本就冇真憑實據，好過分！」

之後DaDa繼續舉證反駁：「網友話女事主曾經整容隆胸，我之前出寫真，已經驗過胸，證明係冇隆胸。又話女事主係新移民，我有香港出世紙，唔係新移民。」DaDa認為網上言論全屬謠言，過往會緊張澄清，但現在學懂一笑置之。她謂：「都畀人寫過幾次，有咗免疫力，總之清者自清，我對得住天地良心。我覺得o靚模好慘，個名變到好負面，又話接客又話整容。」

Ivy力撐DaDa不是C小姐。

Liz戥師姐多是非開心。

人紅多是非

雖然DaDa慘成嫌疑人物，但Liz及Ivy卻戥對方開心，Liz解釋：「因為人愈紅先多人講。」Ivy則認為大家對DaDa有太多幻想，她稱：「我同佢都經常一齊，所以好清楚佢嘅行程，佢一定唔係C小姐。」

文：名人組