韓星河正宇主演韓片《The Yellow Sea》由其舊作《追擊者》班底打造，他憑着片中出色演技，擊敗周潤發及葛優等強勁對手，成為「第五屆亞洲電影大獎」出爐影帝。
雖則河正宇未有看過其他對手的作品，但他坦言想與周潤發合作：「尋晚喺頒獎禮見到佢，傾過幾句覺得佢係出色演員，可以話係超越咗一個巨星。」其實於數年前來港拍攝劇集《H.I.T》時曾留港一個月，今次未有特別地方想逛，反而想吃點心。對於日本經歷大地震，曾與妻夫木聰合作電影《No Boys，No Cry》的他，被問到有否與聰仔及幕後人員聯絡時，他說：「無，(擔心佢哋嗎？)，當然擔心。」