江芷妮轉行幫人執靚個樣
近年藝人興創業，已完全退出娛樂圈的江芷妮（Cherie）亦加入創業大軍，利用其扮靚心得開設美容院，她說：「其實藝人做呢方面嘅生意說服力都強啲，自己對靚又有要求，真係對美容有興趣先會做，如果唔係會好辛苦！」圈中不少好友都有捧場光顧其美容院。
Cherie利用空餘時間報讀不同課程，現已成為激光治療師，雖然她已榮升老闆娘，但樣樣事仍要親力親為，她說：「依家有兩間分店，我成日都會落舖巡，要慢慢努力累積客人，離收成期仲有段路。」感情方面，她跟圈外男友關係非常穩定，笑言自己正處於人生最開心階段！
場地：SkinPro