王宗堯服侍葉璇唔識動L

藝能新人王宗堯（Greg）日前為潘源良執導的電影《出軌的女人》出席香港國際電影展首映，首次參加盛大影展的他既緊張又興奮，為令人眼前一亮，花了不少心思塑造型仔look。在片中飾演專業男妓的他，坦言最難忘的是一場半裸上陣戲份︰「有場戲我淨係着孖煙囪服侍葉璇，我覺得幾有難度，一來未試過因為工作關係着成咁，二來面對咁好戲、前輩級嘅葉璇我要做主動，尷尬得嚟都幾大壓力！」