王梓軒愛自虐愈吊愈爽
唱作歌手王梓軒（Jonathan）為新歌拍MV，處男玩吊威吔凌空飛馳，雖然「小軒」被扯足八粒鐘，Jonathan反而愈痛愈興奮，還樂極忘形玩爆衫，令工作人員瞠目結舌。
Jonathan日前為新歌《玩具也流淚》拍MV，在三層樓高的扭計骰鋼架爬上爬落，首次吊威吔的他大感新鮮，雖然「小軒」被扯足八粒鐘，Jonathan反而愈痛愈愛，被笑有自虐傾向。
凌空玩嘢過癮
被威吔帶緊緊勒着「小軒」的Jonathan笑說：「之前聽講男仔吊威吔好辛苦，試過之後比想像中好，只係每次拉上去比較痛，不過可以凌空玩太空漫步、倒吊、引體上升，真係好過癮。」他還米高積遜上身做出45度傾斜向前的甫士，難怪他謂拍完之後愛上吊威吔了。
轉到件衫都爛
玩到樂極忘形的Jonathan，不但在半空轉到頭暈，仲轉到件衫都爛了，要即時修補，但他依然興致勃勃，還自動請纓幫手換光管，不需工作人員爬來爬去，他笑說：「喺威吔幫助之下，可以做啲平時做唔到嘅嘢，真係好好玩，雖然拍得辛苦，但都好值得。」
文：音樂組