黃嘉樂勤練功懶理飛來艷

黃嘉樂向來有學功夫大聖劈掛，剛剛拍罷無綫劇集《紫禁驚雷》，所練的功夫總算用得着，原來，去年六月，嘉樂曾到新會拍攝電影《蔡李佛》，戲中飾演絕世高手，並與洪金寶兒子洪天照有不少對打戲，由於對方功夫了得，故嘉樂都不敢怠慢，一有時間便跟武師度招練功，拍前更獲冼灝英師傅替他惡補一番。

嘉樂說：「其實好多動作真係練番嚟，之前做唔到嘅動作都做得到，喺大陸兩個幾月，一有時間就練功，因為個個底子都好好，都幾大壓力。」說到不少往大陸拍劇的男藝人都艷福不淺，很容易搭上大陸女星，對此嘉樂笑言：「冇喎！有時間都練功啦，邊有咁多飛來蜢！」

改形象等上位

此外，無綫小生被指離巢的甚多，問嘉樂有否望上位，他說：「雖然自己都有呢個心，但唔敢講，不過都要改變形象先，之前做得太多細佬角色，做細佬唔緊要，唔想成日好似裙腳仔咁囉！自己之前喺《烈火雄心3》都做過較為躁火嘅角色，依家都想做吓硬朗嘅警察角色，奸角都唔介意o架！」而現時播映的劇集《ONLY YOU只有您》，他亦有份演出。

文：影視組

攝：黎智輝

服裝：another

場地：Hair Corner

髮型：Sue Cheung（Hair Corner）