姚予晴結婚要講Mood
模特兒姚予晴（Mikki）與第四代Canon女Alice B.昨日為時裝騷作示範，Mikki所穿的一襲紫色連身裙兩邊側門大開，非常性感，她坦言未有貼膠紙防走光，並自嘲：「細（胸）有細（胸）好處，係事實唔怕講！」提到日本核輻射事件，Mikki稱有親戚仍在日本，現時每日在機場等候機位返回上海，她說：「對我個人就冇乜影響，我只係鍾意食魚生，依家減少食日本嘢。」對於有傳世界末日，Mikki笑謂：「以前又話千禧年係末日啦！係唔係都應該珍惜眼前人，但我同男友未有結婚計劃，結婚要講Mood。」
至於Alice則大呻工作忙碌，未有時間拍拖亦沒有異性追求，問到擇偶條件，她笑笑口說：「靚仔唔係太重要，睇內在，不過我現時需要朋友多過男朋友。」她又稱現正積極學習廣東話。