Kary約滿搶手 金牌掟錢留人
女歌手吳雨霏（Kary）年中跟金牌大風約滿，據知英皇、環球及華納有興趣出錢力挖，金牌大風得知Kary被人虎視眈眈連忙出招挽留，盛傳豪擲數百萬身價跟她續簽三年約。Kary對去留仍未落實，她說：「咁大個女第一次做咁大決定，要慎重考慮，唔想馬馬虎虎。」
Kary承認有其他唱片公司向她招手，亦承認會優先考慮金牌大風，因合作多年關係良好已視公司為娘家。對公司豪掟七位數挽留，Kary笑說價錢合理：「錢當然重要，愈多愈好，除咗錢仲要睇其他計劃，未來三年嘅發展對我好重要。（續約成數有幾多？）呢一刻講唔到成數有幾多，仲有時間考慮。」金牌大風CEO陳輝虹說Kary的合約在商討中。
請教鄧麗欣
就合約事宜Kary跟老友鄧麗欣及向前輩蘇永康請教，後者更為她作出分析。金牌大風早前入紙紅館申請4月檔期為Kary開個唱Part2，作為利誘條件之一，惜最終紅館冇批，令Kary失望，但亦知公司已盡力。此外，前晚Kary跟小肥去捧樂隊RubberBand演唱會尾場，氣氛熱鬧，鼓手泥鯭跟小肥還邊唱邊食香蕉補充體力，尾聲時主音6號更咬緊嘴唇強忍眼淚。
文：音樂組