連詩雅女僕上身招呼男人
新人連詩雅於電台劇集飾演女僕人，穿上Lolita裝的她要扮純情兼嗲聲嗲氣招呼男食客，她笑言重溫拍攝片段時不斷打冷震，她說：「想像唔到自己變成咁！」
張致恒、周永恒、周子揚、小肥及方大同師妹連詩雅（Shiga）近日忙拍電台劇集《五個買樓的少年》，Shiga與周子揚飾演情侶，兩人為儲錢買安樂窩，每日工作十六小時。正職教小朋友的Shiga收工即到餐廳做女僕服侍客人賺外快，更要扮純情與食客吹水。
怒摑周子揚
首次穿上Lolita裝的Shiga說：「真係好唔慣，仲要好嗲、好溫柔同啲食客傾偈。（NG咗幾次？）唔多，不過睇番playback真係打冷震，想像唔到自己變成咁！不過之前去過有女僕餐廳，睇佢哋嘅衣着同語氣。」劇中的Shiga用盡方法努力賺錢，反而得不到「男朋友」周子揚支持，Shiga一怒之下當街「兜巴星」周子揚，她說：「我真係用力打落去，因為就住力會好假。」被摑的周子揚說：「唔知係咪我嘅宿命，上次拍MV又畀楊愛瑾兜巴星，今次又畀Shiga打。」
另外，Shiga和周子揚日前晚上到便利店購物，兩人表現親暱，令人懷疑兩人是否因拍劇而撻着，不過Shiga和周子揚受訪時否認，聲稱只是收工後才一齊到便利店買飲品解渴。
文：音樂組