專注設計工作傅穎自家公仔賺錢行善

早前放假叉足電回來的傅穎（Theresa），最近專注設計工作，更首次推出自家設計公仔，把賺到的錢行善，她又希望投資開設畫廊，與朋友畫畫維繫感情。

傅穎、朱紫嬈和唐素琪日前出席好友畫廊的開幕禮，更化身畫家為好友炮製生日禮物。三人各自發揮藝術細胞，其中Theresa所畫的Q版公仔大獲眾人讚賞，令今年推出繪本的她信心大增，她說︰「今年都會繼續喺書展出書，當然會有我畫嘅畫同啲靚相，好似最近去旅行嘅相都會放喺本書度。」

除唱歌拍戲外，Theresa有意投資開畫廊，她說︰「我想開一間畫室，可以約埋班朋友一齊聯繫，畫吓畫都幾開心。如果可以嘅話，我都想開班教畫畫。」最近Theresa設計了一隻名為「Pigsa」的公仔，並有意於暑假推出限量版模型，希望把賺到的錢去做善事，幫助更多有需要的人。

問到Theresa會否找個喜歡畫畫的男友，以畫傳情？她說︰「咁又唔使一定鍾意畫畫嘅，鍾意我嘅畫都可以，唔一定要有共同喜好。」

另外，朱紫嬈已有十年沒有畫畫，她坦言揸起畫筆都手震，她說︰「以前讀書有學過美術，不過好耐都冇揸起支畫筆，驚畫得唔靚有壓力，好在出嚟嘅作品都會畀老師讚，好開心。」

文︰專案組

專注設計工作 傅穎自家公仔賺錢行善