寫歌談愛灰入骨 鍾舒漫自爆遇情場騙子

英皇小花Sherman三月尾推出其第六張唱片，在新碟中，她除表現出跳勁舞的動感一面，亦作了一首歌名為《大人小事》。問她作曲的靈感何來？Sherman爆一句：「因為受身邊人影響，早排有啲唔開心，對愛情好灰暗！」令人揣測她在情路上受挫。問她是否失戀？Sherman連忙澄清：「唔係！唔關失戀事，只係睇見身邊嘅人，睇到啲戲，有感而發啫！」她強調並非親身經歷，叫大家勿誤會她遇到愛情騙子，Sherman還口快快說：「我咁大個女都係畀人呃咗一次（感情）咋！」

填詞觸礁

Sherman表示作曲之餘曾填上歌詞，雖然有朋友讚她寫得不錯，可是因她膽怯沒要求唱片公司用她的詞，結果白費心機。她謂：「我作咗曲都要填上詞先可以試唱，公司話作曲部分唔錯，收咗貨，但詞方面，公司睇都冇睇就搵其他填詞人填。」初時公司還打算起用她的情歌概念方向出發，但交到填詞人手上時，又有另一新構思，結果和她當初的構想有好大出入。

曾遇愛情騙子的Sherman，原來最愛以美食來化解不快。

鍾舒漫在新碟一樣不乏勁歌熱舞的派台作品。（資料圖片）

自我增值

問Sherman下次可鼓起勇氣出聲，向唱片公司要求用自己的詞？她說會，不過先要增值自己，多看書、電影及與人溝通增加「內涵」，她稱：「我唔想畀人笑我啲詞言之無物，好空洞咁。」

採訪：音樂組

場地：BO-LO'GNE Cafe@海港城LCX