放假心散 累增磅 祖兒面圓似盆跑步狂操
「香港亞洲流行音樂節」前晚舉行，邀得容祖兒擔任表演嘉賓，向來纖瘦的祖兒明顯飽滿不少，她自爆已積極跑步狂操，對於被指「變靚咗」，祖兒自嘲塊面圓過面盆：「多謝暗讚我！」
第五屆「香港亞洲流行音樂節」前晚於會展舉行，邀得容祖兒、梁靜茹、棒棒堂、林俊傑、鄭融及韓國組合Super Junior-M等表演。其中SJ-M出場時掀起全晚高潮，令歌迷陷入瘋狂狀態，昨日他們已離開香港繼續工作。
被指下巴靚咗
而香港代表祖兒亦在台上載歌載舞表演落力，明顯面圓圓的她坦言增磅不少：「真係肥咗，已經開始跑步狂操o架啦，放假放到心都散晒！」對於被指下巴「變靚咗」，祖兒反問記者：「你覺得呢？我非常感激呢個報章，喺我咁困擾嘅時候暗讚我！我塊面圓過面盆呀，我係下巴兜兜晚境無憂，都唔係今時今日先係咁！」
至於同門師弟林峯被連環爆親密照，祖兒說：「我又唔係佢fans，所以冇傷心，我覺得係正常男仔拍拖嘅場面，係佢唔好彩啫！我影呢啲相之前會揀唔會出賣我嘅人。」問她以前拍拖有否影床照？祖兒謂：「唔會啦，我瞓覺瞓到隻豬咁，同埋我以前個朋友話瞓覺影相會攝咗個靈魂o架，所以唔會影！」
讚林峯相片sweet
鄭融則指林峯的相好甜蜜，自己就不抗拒，她說：「我成日影人哋啲瞓覺相。（影劉浩龍睡姿？）冇喎！（唔係睡姿？）咁梗係有啦！」
同場的林俊傑對於早前緋聞女友陳立冷向記者潑水，他澄清對方並非女朋友：「是私底下的好朋友。事情都過去了，如果對記者造成困擾不好意思。」
文：音樂組
攝：林楠