「玉婆」伊莉莎伯泰萊病逝，生前的愛恨情仇盡消！被玉婆破壞家庭的《星球大戰》莉亞公主嘉莉菲絲（Carrie Fisher）已原諒對方，她說：「榮幸搶走爸爸嘅係玉婆。」其母、玉婆的過氣情敵老牌女星黛比雷諾士更願對方一路走好。
玉婆前日病逝，各界深表惋惜，連過氣情敵都讚美她，一切愛恨情仇隨玉婆去世而長埋塵土。玉婆與老牌女星黛比雷諾士分屬好友，但1959年玉婆因搶走好友老公愛迪費沙而反面，令飾演《星球大戰》莉亞公主的嘉莉菲絲，童年時美滿家庭已被摧毀，直至2001年玉婆與黛比合演《These Old Broads》才冰釋前嫌。
早已原諒玉婆的嘉莉菲絲，昨日以說笑的方式來讚美後母：「如果爸爸因為某人而同媽媽離婚，榮幸嗰個女人係玉婆！」她盛讚玉婆是好媽媽，照顧非親生的她及弟弟，並指玉婆人生豐盛，帶來無數難忘的演出，對預防愛滋工作貢獻良多：「佢令人懷念，唔會令人忘記。」
一度成為情敵的黛比兩周前曾到醫院鼓勵玉婆，今替老友脫離痛苦而高興：「當時同佢講老咗係件糟糕嘅事，佢話有同感，又說痛苦咁度過，我叫佢唔好咁快放棄，佢話會嘗試。佢離世唔需要再承受痛苦，開心佢上天堂，去到一個更開心嘅地方。」她讚玉婆是偉大影星，憶起與玉婆的點滴時更爆料說：「17歲時一齊讀電影成為好友，friend到畀埋個老公佢，不和咗多年，後來好番仲合作。佢好鍾意靚仔，仲成日講鹹濕笑話。」
文：專案組