杜汶澤幫祖兒尋斷背情人
容祖兒將於新片中與另一角色發展感情線，問到會否找其密友何韻詩演出？監製杜汶澤即大賣關子：「冇定男女界限嘅！」
杜汶澤及導演麥曦茵昨日出席影視娛樂博覽英皇電影展館的記者會，阿澤表示他監製的電影《前度》成績理想，因此公司投資逾二千萬給他再接再厲，年中將開拍新片《DIVA》，因故事講述樂壇天后，故他找來容祖兒主演，他說：「戲入面仲有一個候任天后，兩個會有感情線！（祖兒叫你搵何韻詩做？）佢冇畀意見，只係講吓佢自己嘅生活，等個角色同佢真人接近啲。」問到他本人會否考慮阿詩？阿澤即故弄玄虛：「圈中係人唱歌都想搵！（有感情線喎？）冇定男女界限嘅！」他又指公司沒有施壓，只叮囑他要賺錢，阿澤信心爆棚地說：「當然啦！我強項！套戲講樂壇，會搵好多友好客串！」
甄子丹似關公
此外，導演麥兆輝及莊文強出席《關雲長》座談會時表示慶幸與甄子丹及姜文合作，問到何以揀子丹做關公？他說：「最好打嘅明星得成龍、李連杰同甄子丹，但頭兩個都唔似關二爺！」而姜文因拍《讓子彈飛》身價狂升，當他們表示想找對方主演時，電影公司老闆嚇了一跳，指曾有導演與他合作時身故，麥兆輝笑說：「唔怕！我哋死咗個仲有一個。」
文：影視組