Rosemary拍拖跑山放甩男友

Rosemary昨日與男友Jason拍拖參加第三十五屆畢拉山十五公里古蹟越野賽，兩人於早上八時開跑，Rosemary以一小時二十六分的時間跑畢全程，足足比男友快半小時，她說：「好開心，我目標係喺個半鐘之內完成，依家仲快咗四分鐘。我用咗五、六個月時間練習，日日跑一個鐘。（係咪最佳狀態？）可以再fit啲，always can be better。今日天氣好潮濕，頭先跑步時好似喺啲雲入面跑咁，好似夢境一樣。」

希望下年捧盃

問Rosemary今次賽事最困難係咩？她說：「上山，因為未去過，唔知有幾斜，我練習時大部分都係平路。呢個活動係推動環保低碳生活，我覺得好有意義，一定會再參加，希望出年成績更好，可以捧盃。」Rosemary透露早上只吃了一隻香蕉打底，怕太飽會嘔吐，完成賽事後便會與男友一起吃早餐。她又大讚Jason說：「佢今日表現好好，我為佢感到驕傲。」不過未知Jason是否因為跑輸女友，故一直迴避記者鏡頭。

Jason一直迴避，不想上鏡。	Rosemary以一小時廿六分跑畢全程。	Rosemary於目標時間內完成賽事，自然飲得杯落。

七月全面復工

準備於七月全面復工的Rosemary正努力增值自己，包括學國語和修讀健康體能課程，問到今年可會放多點時間在大陸市場，她說：「一定會，大陸嘅市場好大好多機會，可以畀我嘗試唔同方面嘅發展，我未試過喺大陸住好耐，到時可能會stay一段時間。」

文：名人組