微博訴苦 錯愛冇心人 潘霜霜峯狂失控
林峯與內地性感女星潘霜霜戀情爆出後震驚全城，林峯指分手主因乃二人性格不合，自己工作太忙所致，其實從潘霜霜的微博都不難看出他們分手的端倪，由去年十二月底開始，她就經常在微博「無病呻吟」，曾表示只想簡單化，好好對待一個人，可惜天不允許，直至今年一月他們正式分手後，她的情緒就波動得更大，寫上「好累，心像被揭傷疤一樣隱隱作痛」、「人這一輩子最毀的就是……愛錯人」、「用心的人太少，即使你對人用心，人家也未必放心上」等，可見她仍未能平復分手之痛！而在今年情人節，為了可忘記林峯，她更相約一名女性友人在香港共度，互相慰藉孤單的心靈！
張致恒劃清界線
有傳潘霜霜為闖香港娛圈，經常在微博跟港星打交道，其中一人是張致恒（Steven），他昨日透過電話回應，表示二人透過潘霜霜經理人認識：「識咗兩、三年左右，純粹普通朋友，冇去過街，冇上過我屋企，（佢為人點？）無可奉告，唔好問我，（會唔會疏遠佢？）從來都冇近過！（有冇同佢影過相？）有一大班人影過相。」他亦強調他們無拍過拖。
陳豪讚林峯得體
Steven的前緋聞女友鍾舒漫昨日出席活動時，亦處處維護男方表示：「佢乖咗好多，唔好成日『隊』佢，佢以前調皮啲，依家定性咗好多！」另外，陳豪昨日出席打吡大賽活動時，稱讚林峯應對傳媒時很大體：「好欣賞佢態度，一齊過影呢啲相唔出奇！」
文：專案組