鋒芝絕密婚照瘋傳誓追究

鋒芝06年9月飛往菲律賓秘密結婚，想不到四年半後，微博卻瘋傳兩人從未曝光的婚照，不知就裏的陳法蓉還留言：「浪漫啊！五周年快樂！」照片中的鋒芝非常甜蜜，除有霆鋒跪地幫栢芝戴上戒指外，又放煙花咀嘴及在沙灘上把臂同遊，其中栢芝更穿上三點式與半裸霆鋒依偎海邊，既火辣又浪漫。據知，洩相者疑是當日為鋒芝拍攝婚照的菲律賓籍攝影師，但該攝影師私自把照片上載乃侵犯鋒芝版權行為，律師黃國桐說：「輯相係栢芝畀錢影，所以版權喺栢芝度，相反如果輯相影到佢，因為冇畀錢，版權就喺影呢個人度！」

斥無職業道德

對於婚照流出，栢芝經理人周小姐已確認相中人正是鋒芝，並認為：「應該係個菲律賓攝影師放上facebook！作為經理人嘅立場一定會追究，唔可以姑息呢啲咁冇職業道德嘅攝影師，況且輯相都影得唔係好靚。」周小姐又稱栢芝已得知此事，但沒動怒，因已非首次被出賣。問栢芝自己是否希望追究？周小姐說：「佢冇意見，話會畀我搞，點追究就要問律師了解情況。」周小姐亦代栢芝否認有傳大仔Lucas將被送往上海著名的私立小學讀書傳言。

文：專案組