靚靚甲狀腺出問題拒生BB

靚靚昨日到九龍灣出席麥當勞分店剪綵活動，穿着鬆身衫示人的她孕味甚濃，故被追問是否有喜？靚靚表示：「唔係，我之前驗血發現甲狀腺有問題，所以個人好腫，醫生話如果唔醫好易有抑鬱，依家食緊中、西藥同針灸調理身體。」至於可有影響造人計劃？靚靚不諱言：「都有，醫生話可以照佗ＢＢ，但不如等身體好啲再考慮。」

贊成許秋怡任嘉賓

對於有傳Chilam邀請「舊情人」許秋怡擔任其演唱會嘉賓，靚靚說：「我有嘢要澄清，我從來冇反對搵佢，因為《現代愛情故事》太經典，冇可能搵第二個人唱，我作為觀眾都想睇佢哋合唱！」靚靚更透露許秋怡已落實擔任一場嘉賓，她更會帶同囝囝去捧場。她又大讚老公為個唱操到好fit兼「體態撩人」，問她是否擔心老公會畀人「撩咗去」？靚靚信心十足說：「不嬲都係佢驚我多啲！」

靚靚昨日在活動上與小朋友打成一片。

張智霖獲小妹妹獻吻，一臉陶醉。

張智霖自爆脾氣大

另外，Chilam昨到銅鑼灣為新碟舉行簽唱會，吸引大批歌迷撐場，有小女孩更手持新碟找Chilam簽名及獻吻，冧得他十分陶醉。Chilam自爆為個唱節食兼狂做運動以致情緒不穩，就連老婆靚靚亦遭殃，他說：「我成日亂發脾氣，佢就默默承受，不過完騷之後畀我食番杯雪糕我就會變番好人！」

文：音樂組