諸葛賤賣名牌六位數賑災
諸葛梓岐（Marie）昨日出席賑災活動，她不但出動名牌時裝作低價義賣，還揚言已呼籲身邊朋友及男友捐錢，共籌得六位數字的佳績，認真出錢又出力。
日本大地震災情嚴重，各地演藝界為慈善一呼百應，昨日東港城舉辦「『千鶴．萬語』全城關愛日本大地震」打氣大會，模特兒諸葛梓岐、第四代Canon女郎Alice B.、趙碩之、「日本通」王友良、吳日言及李蘊等也有現身支持。
押後赴日
Marie拖着行李箱及一個大紙袋到場，她表示裏面全是用作義賣的手袋、鞋及衫，她說：「全部都係名牌，有啲用過，有啲未用過，全部都好新。（會唔會捐錢？）都會捐，我已經叫咗好多朋友捐錢，夾埋有六位數字，男朋友都有支持。」問到地震對她工作有否影響？她坦言：「依家喺日本嘅工作會延遲，我嘅只係好小事，最重要係日本災民能夠早日重建家園。」
Marie捐出的物件包括Chanel手袋、Dior背心等，袋、鞋及衫分別售一千、八百及五百，吸引不少巿民購買。
正忙於拍攝劇集的趙碩之昨日亦特意向劇組請一小時假到場，她說：「我覺得除咗捐錢，可以捐血，我一家人捐咗幾萬蚊，我嫲嫲仲話要攞埋啲棺材本出嚟。」
擔心輻射
至於王友良是今次活動負責人之一，他與Marie、日籍藝人今野晴也及Yuya在台上呼籲時，眾人均眼泛淚光，王友良稱：「我喺日本生活咗咁多年，特別感同身受，仙台嘅朋友仲未聯絡到，如果唔係家人擔心輻射，我已經去咗日本，依家只可以每晚打電話同當地嘅朋友傾偈，安慰吓佢哋。」
文：名人組