為演警察 告別清純 陳法拉瞞男友落髮十吋

前晚THE SWANK與意大利商務專員公署攜手合辦「Italian Fantasy 2011」活動，出席嘉賓包括有時裝設計師何國鉦、黎諾懿及朱紫嬈等，還邀得模特兒姚予晴及戴小奕等行騷。其中陳法拉以一頭清爽短髮亮相，相當新鮮！她表示剛從髮型屋過來，剪掉十吋頭髮，現場所見還有髮碎在她膊上，她說：「因為過兩日我要開拍一套新戲，戲中我飾演一個madam，形象比較硬朗啲。同埋之前因為仲有廣告要拍，所以唔剪得住，依家搞掂晒咪剪囉！」

未試過咁短

記者笑問法拉是否很「肉赤」？她點頭說：「係呀，都好唔捨得，因為入行以嚟都未試過咁短頭髮，其實我由讀書到依家都未試過咁短頭髮，（男友有冇見過？）冇呀，識佢時已經係長頭髮，（咁佢見到未？）未呀，我一剪完就過嚟喇，都冇send相畀佢睇！」那是否覺得男人都喜歡長髮女子？她笑說：「我諗異性應該普遍都鍾意女仔長頭髮啩！」

陳法拉表示男友未見過她的短髮形象。（資料圖片）	黎諾懿與朱紫嬈都盛裝撐場。	朱紫嬈

讚劉璇打得

談到法拉有份拍攝的電視劇《女拳》口碑不錯，男友可有捧場？她指男友有錄電視劇收看，法拉還大讚同劇的劉璇「打」得不錯。記者問她是否已默認「男友」為「老公」？她無奈地說：「我唔想再答呢啲問題，其實記者成日追問我，都令我有少少困擾！」

姚予晴（圖）與戴小奕為品牌行騷，展現品牌的高貴形象。

戴小奕

文：名人組