我愛偶像
一個成功的人物，當然獲得無數人的崇拜，娛樂圈的明星是不少人的偶像，然而她們的偶像又會是誰？愛戴偶像分分鐘改變你的一生，像關心妍就因為偶像王菲進入娛樂圈；打女陳嘉桓就希望如偶像楊紫瓊打到荷里活。
Moiselle時裝騷
吳佩慈：「讀書時期我好鍾意郭富城，當時全台灣女仔都想成為他的女友，因他長得靚仔，跳舞好，讀書時願望是成為他太太。」
關心妍：「我最鍾意王菲，係佢影響我嘅歌唱事業，我十四歲喺加拿大參加第一個歌唱比賽，當時話比賽贏咗王菲會頒獎，我咪去參加，仲唱佢嘅歌，最後仲攞到亞軍。今次阿菲開演唱會，我本來喺外地都特登返嚟睇。」
林莉：「我好鍾意金城武與王菲，金城武愈嚟愈有男人味，佢兩個都比較靜，生活又低調，我都係呢類型，所以會留意佢哋多啲，王菲最近演唱會出番嚟，依然有巨星風範。」
Guerlain唇膏派對
陳嘉桓：「楊紫瓊係我最愛嘅偶像，佢拍打戲由亞洲打到荷里活，有次喺上海電影節見過佢，可惜當時冇帶相機同電話，影唔到合照，但有同佢say hi，覺得佢好友善。」
羽翹：「我偶像係周杰倫，我鍾意咗佢好多年，鍾意佢單眼皮、鼻高又孝順，佢精通樂器好有才華，佢彈琴個樣好正，將來揀男友都要好似佢咁。」
戴妮廷：「我偶像係茱莉亞羅拔絲和珍妮花露柏絲，欣賞佢哋好真、好勤力，唔似得有啲人只靠美色去利用人，一個人嘅性格好緊要，靚從內心發出嚟。」
劉璇：「我已經過咗迷偶像嘅階段，但有學習的榜樣，佢就係李寧，佢唔單止運動出色，依家仲成日做善事，貢獻社會同幫人，佢喺體操界地位好崇高，人人都叫佢做師叔。」
