宣萱撐馬德鐘北上搵銀
宣萱與馬德鐘昨日為劇集《飛虎》拍攝外景，劇情講馬德鐘飛車勇救宣萱，而宣萱早上亦已拍攝於小巴車尾追賊的鏡頭，雖然落雨全身都濕，但宣萱坦言好享受，向來恨做警察的她，笑言最怕開槍，就連氣球爆她都有點驚。對於拍檔馬德鐘被指約滿將離巢無綫北上搵銀，宣萱謂：「佢絕對得，大家都要搵錢嘅，依家唔搵幾時搵，拍完呢套我都去第二度拍劇，搵吓真銀。」
而馬德鐘坦言拍此劇動作很多，近排又要為《洪武三十二》宣傳，故頗辛苦，問他是否不簽無綫？他笑言：「未知，我冇講過真係走，只係話想個巿場大啲，（樂易玲有冇約食飯傾約？）冇，可能見我忙，都傾緊！」年尾約滿的他坦言有大陸經理人找他接洽，拍完此劇他都會拍另一大陸劇。