陳嘉桓同林峯限公事發展
有傳林峯搭上女星陳嘉桓，不過女方前晚出席時裝活動時，強調二人沒有可能，又否認阿峯曾展開追求：「梗係唔係啦！我自己仲細，都想專注事業。（有冇發展機會？）唔知呢，不過都唔想諗太多拍拖事，總之工作上有需要發展冇問題，但私底下就唔會！」
談到對方床照流出？陳嘉桓說：「人哋嘅事唔多評論，不過第時我拍拖影相會小心啲，（可能不知情下？）咁都避免唔到，惟有收埋男友手機，（攞相機影？）咁我會同佢講我唔鍾意，我覺得佢要尊重我。」她又強調連阿峯的電話號碼也沒有，哪可會替對方不值？她謂每件事都有原因，只覺事情發展突然。
