胡定欣影蜜照會收好
胡定欣、李亞男及王君馨昨日出席「香港國際七人欖球賽2011」記者會，對於林峯被公開床照，胡定欣說：「我好耐冇同佢拍劇，感情係私人事，佢唔好彩被人外洩啲相。（潘霜霜話唔見電話？）咁當事人至知，怕唔見電話，不如索性唔好影，影得就要妥善處理，始終身為藝人。（有指無綫小生鍾意北上識女仔？）都有人話無綫女藝員北上識男友，呢啲睇緣分。」
李亞男則否認曾與男友王祖藍影親密照，她說：「祖藍唔係『慳啲啦baby』，佢真人唔鍾意影相，雖然我鍾意，但有靚景先影，屋企冇乜好影，加上祖藍係『好好戀愛大使』，要向年輕人宣揚正確戀愛訊息，所以我哋冇影過親密照。」
至於王君馨笑言不擔心熟睡中給人偷拍，她說：「我有底線，唔會同男仔瞓埋一張床，所以邊會有機會被人偷影？」