文恩澄被性騷擾考慮報警
歌手文恩澄（Rannes）與藝人麥長青（麥包）最近不約而同收到電話騷擾，Rannes說：「嗰個人由半年前開始打嚟，初初係打去我舖頭，上個星期竟然打我手提電話，講埋啲猥褻說話，每次我都嚇到即刻收線。」由於騷擾升級，Rannes正考慮報警求助。
麥包昨日出席《校園私隱關注》活動時就透露：「個女人知我係邊個，又講明係玩電話，仲講一大輪粗口，第一次畀人玩電話，我講完『唔好意思』就收線。」此外，提到林峯及吳卓羲被揭私隱，他就戥兩人慘，自言返內地時亦曾有人主動結識他，但麥包就表明，只談公事。
