家輝天倫樂0消費
向來愛錫家人的張家輝，雖然被老婆關詠荷的粉絲在微博鬧爆兼恐嚇，但卻未有因此而影響心情。難得近日放假不用開工，日前家輝便陪老婆及5歲囡囡Brittany外出享受家庭樂。當日下午六時許，家輝一家三口現身銅鑼灣一間大型家品店，當經過店內的小攤檔時，有店員向關詠荷推介價值498元的西班牙風乾火腿，而家輝則拖着囡囡站在一旁等候。雖然店員花盡唇舌，但關詠荷始終不為所動。
家輝三口之後轉往附近睇家具，期間有途人認出，更大讚Brittany可愛，夫婦二人即報以親切笑容。未幾家輝看到一部26,800元的空氣淨化器時，即與老婆駐足研究，又不時伸手觸摸測試，但最終又是齋睇冇幫襯。兩公婆拖住囡囡離開時，沿途看見一隻被繩拉着的狗仔時，好奇的Brittany即拉住爸爸一起睇狗仔，其後一家三口往附近停車場取車走人。
