莫文蔚揀男友要啱
莫文蔚（Karen）、傅明憲和陳嘉容幾位充滿愛心的靚女昨晚一起出席「緣自香港」活動，Karen透露亦曾養流浪狗，後來因養了流浪貓而把狗狗轉送給友人，而自己最高峰時共養了十隻流浪貓。問她只有寵物陪，可會想有個男士陪，她說：「睇緣分啦！（揀男友可要鍾意貓狗？）要有愛心，大家都啱channel更加好，養寵物可以睇得出一個人有冇責任感。」
提到舊愛馮德倫跟吳彥祖合組電影公司，Karen即笑言要跟對方合作，至於馮德倫同徐若暄分手，可有冇安慰對方？她表示：「其實我哋時不時傾偈，咩都傾。」對於另一位舊愛周星馳與馮德倫不約而同會以太極題材開戲，Karen表示：「我唔知道，可能太極近期係主流題材，相信各有各精彩。」
