幼Belt熱

今個春夏時裝界掀起一股「腰」法熱，各大品牌均大玩腰帶look，腰帶絕對是今季必入item。而繼年前風靡一時的粗腰帶，今年將會是幼腰帶的天下，一眾藝人名模已急不及待紛紛熱捧，名模陳嘉容就大讚謝婷婷穿出少女氣息，楊千嬅則型格十足有星味，兩人均以穩陣的紅黑絕配上陣，令total look更突出。

春夏季floral print大熱，花花裙再襯埋件卡其色外套，好夏天。條腰帶有畫龍點睛嘅功效，雪紡質料同幼腰帶好襯，感覺輕盈，如果冇咗條腰帶成個look就差好遠。

紅色腰帶襯斑馬紋裙ok，不過佢身形咁細粒唔應該着ankle boots，會令對腳睇嚟更短，換對高踭鞋會更好，同埋條裙應該改短啲，短到啱啱包住Pat Pat會令對腿顯得更修長。

襯錯晒，着到佢冇乜星味，鬆身褲唔應該襯件白背心，同加埋對ankle boots，望落好似好肥好矮咁，換條黑色hot pants，唔好着件白背心會好好多，襯番佢跳舞嘅image。

成個look都好靚，好有少女氣息，好sweet，好有school girl嘅感覺，好啱佢個年紀。紅色波點裙配黑色belt效果好突出，加埋個紅唇都好襯。

襯得好靚，好女仔，甜美可人，有一種好開心好夏日嘅感覺，黑色belt同一頭黑髮好match。條belt有修腰嘅效果，如果冇咗條belt就會顯得好肥。

好有型，紅黑係絕配，好少會出錯，黑色帽、belt同鞋撞埋紅色度，成個look即刻好搶眼，好有台型同星味。

唔使着入面嗰件間條衫，多咗，就咁一件trench coat會型好多，唔好襯長襪，換對長boots已經好有型，如果一定要着長襪，就唔好着涼鞋，襯對密頭高踭鞋會好好多。

陳嘉容，香港著名模特兒，曾為各大國際品牌行時裝騷，在時裝界打滾多年，對時裝方面的認識無論是理論還是實戰都難不到她，近年更為電視時裝節目擔任主持，化身Stylist教人配襯衣着打扮。