趙碩之小籠包 食出新口味
趙碩之（Wylie）乃小籠包愛好者，最近她愛到銅鑼灣尋覓「摯愛」，Wylie說：「之前到上海拍節目，對小籠包嘅了解加深咗，好怕食到一啲裏面只有油冇湯嘅小籠包，但我依家食開呢間，就冇呢個問題，佢哋啲小籠包嘅湯汁好清，一啲油都冇，食落唔會有肥膩感。」
除了汁要清，Wylie坦言小籠包皮薄餡靚亦很重要：「我曾經吃過啲皮好厚、肉又『鞋』嘅小籠包，真係好難食，我請教過做小籠包好叻嘅師傅，知道靚嘅小籠包至少要十九摺，啲肉嘅調味亦有秘方，唔係咁簡單，所以我好欣賞做到靚小籠包嘅餐廳，還有我覺得可以加啲創意，好似呢間餐廳咁，就有一款叫翡翠瑤柱小籠包，個餡係勝瓜、蝦同瑤柱，味道好清甜。」
談到愛小籠包的程度，Wylie坦言可一口氣吃廿隻，吃時亦愛自己調醬油薑絲醋，她說：「我嘅秘方係一份醬油三份醋，調出嚟嘅味道就啱啱好嘞。」
攝影：鄭家俊
髮型：Jackal1@HAIR
場地：金牌小龍（皇室堡）