婷婷尷尬踢爆Lucas逃學

前晚「PUMA Social」香港站活動邀得謝婷婷、鍾舒漫、吳浩康、恭碩良及杜如風等多位藝人撐場，場面熱鬧。有報道指大嫂張栢芝因帶Lucas到內地拍戲，又經常要他北上探班令Lucas冇時間返學，婷婷坦言自己身份很難評論：「BB（Lucas）嘅嘢我唔係唔知，我都好奇點解佢唔使返學，因為我見佢都係返學時間，我唔知香港學校制度，但係我啲朋友嘅小朋友都有返學。（你同佢補習？）我最大責任係陪佢講中文，雖然我中文都唔係咁叻，佢依家好似外國人講中文咁，係好可愛，不過我覺得學好中文好緊要！」

支持阿嫂瞄實大佬

向來有問必答的婷婷，被追問連串有關謝霆鋒及栢芝的新聞時，多次尷尬傻笑，非常可愛。對於有指霆鋒自設製作公司，而栢芝亦開家品店，婷婷坦言不知情。另外，王菲早前在港開騷，有指栢芝向劇組請假回港瞄實霆鋒，婷婷力撐栢芝謂同老公食飯好正常。

有指栢芝在內地拍戲常安排Lucas往探班。（資料圖片）

婷婷、ＪＭ興奮放紙炮，場面熱鬧。

杜如風為爆粗道歉

同場的杜如風剛從東京回港數天，日本大地震期間，她在微博發表「搖到搖滾」的言論遭網友狂插，她表示當時人心惶惶，只想以樂天方式形容事件：「我都要道歉，因為當時我用咗粗口係衝動咗！」另外，問到恭碩良與林憶蓮的緋聞，他反問記者：「我嘅感情事緊要定係日本地震緊要？」他呼籲大家要發放正能量支持日本災民。

左起：詩雅、吳浩康、鍾舒漫同公司分外投契。

杜如風為地震言論道歉。

文：音樂組

攝：劉智源