陳茵媺鼓勵契妹回港選美
《2011香港小姐競選》又展開，昨日無綫舉行記者會公布有關海外招募詳情，應屆及過往的港姐如陳庭欣、張秀文、莊思明、陳茵媺（Aimee）、劉倩婷等悉心打扮出席。
Aimee表示會叫身在加拿大的契妹回港參選，她說：「我加拿大嗰邊有個契妹之前都話想選港姐，我今晚會打電話畀佢。（契妹幾歲？）未超齡！佢係讀設計嘅，如果佢參選都好，我可以講啲心得畀佢聽。」
至於即將卸任的陳庭欣，問到卸任後會否跟無綫簽約成為藝人？她說：「冇諗到咁遠，有好多工作都未完成，我都係啱啱喺越南拍完飲食特輯返嚟。（鍾唔鍾意娛圈發展？）起初都覺得新鮮，亦融合到，自己畀心機之餘都要公司畀機會我。（問男朋友意見？）唔會，自己諗。（佢鍾意你做呢行？）佢起初難適應，不過依家都OK。」此外，徐子珊因為工作時受傷而缺席記者會。