陳偉霆揀女要阿Sa過目
陳偉霆出席時裝活動時表示將會灌錄快歌，形象也隨歌路而有所不同：「所以要搵個女仔拍MV，我成個月都喺度casting model，想搵個可愛同好開心嘅類型。（身材要好？）都要有好外形。（咁你咪攞正牌界女？）唔關事，最後都要畀阿Sa過目。（女仔身材好唔pass？）我唔知佢評分標準，相信佢會好客觀！」
另外，陳偉霆為動畫《復活反斗王》廣東話版配音，聲演主角復活兔E.B.，他笑言講到氣咳：「佢嘅對白又快又急，說話方式亦很誇張，有時單一句對白，竟同時夾雜喜、怒、哀、樂四種情緒，好難掌握，經常要NG，後來先捉到啲節奏。」
