黃宗澤確認杏兒地位共同進退

黃宗澤、陳偉霆、官恩娜前晚以嘉賓身份於銅鑼灣出席SIXTY GROUP亞太區巡迴「ART in jeans牛仔藝念大募集」香港揭幕活動，被問到早前被影到與胡杏兒拍拖shopping？他起初仍死撐：「我覺得一齊出嚟買嘢好正常。（冇避忌？）係，冇避忌！」及後問到是否改簽TVB部頭？他坦言仍有很多年合約，記者直問TVB有很多藝員改簽部頭，可接內地劇？他說：「我知，但我真係仲有好長約，其實公司經理人都有同我接內地劇。（抽佣勁？）但我覺得抽得好舒服同合理，雙方合作都好開心！」

為女友留喺TVB

再問他女友喺TVB，所以自己都留喺度？，他想也不想即說：「係呀！」此話一出，黃宗澤即發現自己說錯話，停頓兩秒即指着記者說：「你陰我！（咁女友唔走，你係咪都留喺TVB？）事業上各有各走，各自話事呀！」終於出口承認胡杏兒女友身份，杏兒定必甜在心頭！

官恩娜對於新歌被取錄，大感興奮。

女模演繹層疊式長裙，流露高貴一面。

同場的官恩娜則興奮表示首次作歌畀自己，竟然獲監製取錄，笑言感覺猶如生BB「順產」般。而她表示原本24日去日本京都作音樂交流，現因安全問題，都會考慮是否依計劃繼續前往。

放大圖片	品牌有男女模特兒示範流行便服，簡潔時尚。

文：名人組