張栢芝煞科被埋 大漢營救

賑災義不容辭

談到拍攝《無價之寶》的難忘事，栢芝表示：「最後嗰場戲，講我下半身被人埋喺泥下面，但因為埋得好深好實，CUT機之後，要出動幾個大漢先抬得我出嚟，當時都驚會拉親啲手骹。」

完成《無價之寶》的栢芝會稍作休息，但她都不忘參與慈善活動，如四月廿三日便會為四川重建演唱會任表演嘉賓，至於演藝人協會有意搞日本賑災騷，栢芝亦會義不容辭。

日本大地震之後，有不少香港家長因擔心日本奶粉供應會出現問題，問栢芝會否也擔心斷貨問題？她表示：「唔會，因為我兩個仔食緊外國有機奶粉。」

拉姑讚有分寸

另外，昨有指栢芝經常要謝霆鋒帶兒子Lucas到內地探班，令拉姑不滿，擔心孫仔在內地容易染病，對此，栢芝經理人表示：「無聊報道唔回應！」至於拉姑則表示：「我冇講過不滿，栢芝係好叻嘅媽咪，佢識諗o架啦。」

文：影視組