方力申手機喪影回味春色

【陳曉鉉海南島直擊】方力申、江若琳、楊梓瑤（Carol）及敖犬等正身處海南島拍攝電影《戀夏、戀夏、戀戀夏》，昨日在當地舉行記者會，Carol、劉羽琦、馬瑙及日模松岡李那等十多名女演員以三點式上陣，當中更有女模下體現形及疑似露毛，春色無邊，相反「內地乳神」張馨予卻穿上T恤收「峰」，江若琳更是密實冇睇頭。

否認年底會結婚

小方笑言現場猶如天堂，更隨身帶定手機影相：「真係好幸運，我帶定手機周圍同人合照o架喇。（驚啲相流出？）驚睇唔番咋。（唔怕Stephy呷醋？）講呢啲？」提到日本及雲南發生大地震，小方送上祝福，並說：「擔心可能見到世界末日，要更珍惜眼前人。」

江若琳（右）與敖犬演情侶，慶幸未有引起對方fans不滿。

Betrys（左）與Hazel所穿的泳衣好窄。

對於有指方父爆料指小方將於年底結婚，他再否認：「冇可能！（會秘婚？）我依家話大搞，但到時諗法可能唔同。（又話珍惜眼前人？）係陪多啲屋企人，做吓善事。」

馬瑙在泳池中玩水，不亦樂乎。

身材出眾的Carol不怕貨比貨，並指與眾人關係友好。

Carol擇男唔睇錢

Carol在片中飾演敖犬的夢中情人，但因嫌棄對方是宅男兼身家冇五千萬元將他「過戶」給江若琳：「其實我本人唔係咁睇錢，人好就OK！」她又說不怕被其他性感女模搶鏡，大家拍得開心冇是非。江若琳則自認是男仔頭，愛跟泳裝女拍照，更自嘲與她們格格不入：「我要戴太陽帽同眼鏡，拍埋啲靚女度，畀人笑我影響個畫面，好似靈異照片咁！」

身為日本女模的松岡李那對家鄉發生地震大表心痛，希望同鄉盡快走出困難，並指親友都安全，暫時她不會返日。