瑞莎 「震」出啟示 珍惜眼前人
台灣名模瑞莎來港為今日又一城舉行的《Le Petit Jardin francais》時裝匯演行騷，瑞莎表示本來下周到日本為東京時裝周行騷，但因大地震而取消。她說：「呢個大地震真係令我好驚，我媽咪初時以為連台灣都地震即刻嚇親，我打畀佢報平安先冇事。我覺得人就算幾咁努力去建立自己嘅嘢都好，一個天災令到自己咩都冇晒，係好無奈，所以要好好照顧同珍惜身邊人。」
現時單身的瑞莎，再次否認和「萬寧哥哥」沈志明的緋聞。她謂：「一齊食飯行街好正常。我依家單身，雖然有追求者，但係我曾經被人傷害過，所以唔容易再投入感情。」
另外，發生日本大地震前，有日本收費電視安排鄭元暢與郭采潔四月初到日本東京宣傳台劇《國民英雄》，但因地震影響實在太大，最後以安全理由取消宣傳，但是否延期就有待決定。