Lisa S.無懼輻射積極造人

Lisa S.、Cara G.與Jocelyn昨日為《K11 Paris fashion week時裝騷》擔任模特兒。提到日本大地震，Lisa表示看到有關新聞忍不住喊出來，她說：「呢排聽到好多唔開心消息，話2012年會世界末日，真係好sad。近幾年好多天災，其實東京係我好鍾意嘅城市，幾年前都喺嗰邊做過嘢，不過依家冇，因為我年紀大，嗰邊又走可愛路線。」

時間配合有難度

問到信不信世界末日？Lisa謂：「之前都傳過1999年啦！（有網友攞日本災難開玩笑喎！）可能佢哋想用另一種方法令整件事冇咁沉重，但真係唔應該攞嚟講笑。」

Cara G.露香肩非常美艷。

經驗豐富的Jocelyn行騷駕輕就熟。

曾揚言會生兒育女的Lisa，被問擔不擔心日本核電廠爆炸洩漏輻射而影響生BB計劃？她坦言仍想生BB，覺得是人生的使命，並與老公吳彥祖努力造人。她大說有味笑話：「我哋make many exercise，不過老公成日喺內地，時間配合好困難，要造人就要飛過去。」

另外，提到陳慧琳流產，Lisa鼓勵對方繼續努力：「我知佢懷孖胎，好sad，希望佢再嘗試，覺得佢仲後生。（佢三十九歲喎！）我覺得都係後生，生BB去到45至50歲都可以呀！」

文：名人組