陳嘉桓拒評床照唔覺甩難
曾被林峯力邀拍攝MV而傳出緋聞的陳嘉桓（Rose），成為潘霜霜於微博暗斥的第三者嫌疑人。昨日為航空活動宣傳的Rose稱未看到林峯的床照：「無喎，你哋問番佢啦。（你哋唔係拍拖咩？）無咁嘅事，拍特輯啫，都無再聯絡。」問到是否感到很傷心，她表示未清楚事件內容，還說：「嗰個（潘霜霜）唔係我咪無嘢囉，我唔批評佢（林峯）嘞。（甩難？）又唔係，有時工作上誤會咗會係咁。（覺得林峯形象受影響？）唔知，問番佢啦。」
李彩華說可憐
先後與阿峯傳過緋聞的女星，其中佘詩曼昨稱不會理人家的新聞：「我印象中阿峯係細路仔，好想搵個好女仔拍拖、結婚，（被人跣？）惟有專心工作，調節心情，（慰問？）佢係堅強嘅男仔，唔想煩人，總之我哋係好朋友在心中！」
鍾嘉欣則說：「我哋拍戲傳緋聞啫，大家都知係假，（曾經鍾意？）做咗六年抽離到嘅！（覺藝人拍拖要小心？）如果真拍拖會好投入，影呢啲相好正常！」李彩華：「我覺得佢好可憐，加上阿峯目前事業做得咁好，因為呢件事都令我拍拖會膽怯！」
