祖兒 陳偉霆 傳授歌舞秘技
英皇將成立演藝創意學院，容祖兒和陳偉霆（William）將升呢做星級導師，親自傳授唱歌、跳舞秘技，而泳兒、鍾舒漫和洪卓立亦有興趣報讀作曲、填詞課程，自我增值務求全速上位。
「英皇娛樂演藝創意學院」將於4月中正式成立，課程包涵唱片、電視、電影、舞台劇、演唱會、電台各範疇，目的是栽培幕後專才，據校長吳雨透露，除了請到成龍、陳潔靈、杜汶澤、王祖藍等擔任榮譽顧問外，祖兒和William都會客串做導師：「尋日同William傾過，佢好有興趣教跳舞，祖兒都話有時間就會教唱歌，公司會畀番導師費用佢哋。」
學嘢袋錢入袋
除了學生有機會在祖兒和William身上偷師外，藝人都可以上堂聽課自我增值，吳雨說：「好似泳兒、William、鍾舒漫、洪卓立都話有興趣報讀作曲、作詞課程，對佢哋演藝事業有幫助。（收優惠價？）哈哈，佢哋全部免費，有機會學多樣嘢袋錢入自己袋，公司提供免費訓練畀佢哋進修。」
有潛質都栽培
除了開辦幕後班外，英皇亦決定加開幕前班，教學生唱歌跳舞及演戲技巧，問是否只挑選靚仔靚女做學生？吳雨笑說：「我哋唔係藝員訓練班，只要有潛質，外形唔得都可以栽培，總之有教無類。」他說所有學生都要考試合格才可畢業，學校會挑選精英培訓，有機會加入英皇或推薦給其他機構。
文：音樂組