周柏豪唔怕擺緋聞上枱

周柏豪昨日出席HTC新機發布會擔任嘉賓，在台上被司儀森美以他和賭王千金何超雲的緋聞開玩笑，問他可會感到尷尬，他說：「唔尷尬，大家都覺得係假，唔會相信，知道係緋聞先攞嚟講笑。（你係咪成日去澳門？）唔係，初入行時去得多啲，有好多活動會過去。（有傳陳山聰有私生子？）我都係睇報紙。（信唔信？）No comment，大家都係睇報道先知。（依家傳佢同超雲，覺唔覺自己甩難？）係遠咗，唔覺得係甩難，從來唔覺得係難，當一樣嘢講得多就會有更多誤會產生，依家唔關自己事，講少啲。」