英皇鐘錶珠寶董事總經理楊諾思，昨日出席為香港保護兒童會籌款的百老匯名英語音樂劇《小安妮》發布會，英皇珠寶已是第二年贊助，為是次音樂劇的白金贊助商。
其夫張堅庭為音樂劇的監製，楊諾思說向來長子對電影甚有興趣，也有參與是次劇務等工作，她說：「大仔對電影好有興趣，三年前開始已拍好多短片，當中有作品入咗康城一啲影展，個女對drama都有興趣，有晒爸爸好濃厚嘅演藝基因。（冇遺傳你從商基因？）唔係，個女話想大個時好似我咁從商，其實仔女想學乜都ＯＫ，細個所學唔代表大個會做番嗰樣嘢。個女之前都有參與音樂劇，因為要考試時間就唔到。」
