陳敏之等求婚收鑽石
無綫花旦陳敏之早前獲著名頂級腕錶及珠寶品牌蕭邦邀請，為廣州國際金融中心的專賣店與品牌大中華區董事總經理Roland Buser，一起主持盛大的揭幕儀式。
陳敏之表示是次佩戴總值超過二千萬元的首飾，故當時有點緊張，她說：「向來我認為鑽石係最保值，所以會買嚟收藏或襯衫，有時做嘢太辛苦，都會買啲恨咗好耐嘅嘢畀自己。（男友送鑽石？）哈！暫時未收過，可能男仔會覺得送鑽石係好重要嘅時刻先送，我都覺得係。如果求婚我一定想係鑽石，但唔會計較個價值，最緊要係份心意。」昨天是白色情人節，陳敏之笑言只和男友說句情人節快樂，未有一起吃飯：「我都係重視西方情人節多啲！」
