周柏豪退出爭雲樂做隱形人

何家三房長女何超雲跟緋聞男友陳山聰的戀情鬧得熱烘烘，曾被指捲入爭「雲」戰的周柏豪，直言正值敏感時刻，不敢再搵超雲，樂於看到自己個名消失了，不再被扯上關係。

對超雲、陳山聰的戀情似有明朗化迹象，但卻有傳超雲不滿被騙決定斬纜，柏豪昨日在校園出席活動時說：「我都唔知，亦唔會打電話畀佢，見到再冇提我個名就OK，（話山聰露勝利笑容？）我冇，我係普通、唔關我事笑容。」會否驚了而不搵超雲？柏豪坦言：「係o架，喺呢啲敏感時間，都唔敢搵佢。」

阿樂自責零成績

柏豪前晚跟余文樂領軍的橫州工業籃球隊到屯門為四強戰第三回會合作賽，球隊苦戰40分鐘兼充滿火藥味，阿樂的隊友更被對方撞到流鼻血，打到尾聲雙方同樣45分平手，幸好隊友在剩餘的22秒投入一球三分險勝，令球隊成功進身決賽。對於成功險勝入冠軍戰，阿樂自責早上才從北京返港，又冇時間練波以致打得不好，首次創下「零成績」。而阿樂四月因工作關係，無法出席冠軍戰。